Ata janë tre. Të suksesshëm, super të talentuar, të këndshëm dhe të mbushur me plot energji pozitive. Nëse flasim për koncerte tek këngëtarët, ata i kanë aq të shumta sa shumë shpesh ju duhet të refuzojnë dhe të mos jenë të pranishëm, për shkak të fluksit tejet të madh. Dhe e tillë ka qenë edhe kjo verë për Florin, Elvanën dhe mikun e tyre, bashkëpunëtorin e ngushtë, Fuga. Bashkë kanë realizuar shumë këngë dhe klipe, ndërkohë që para publikut ata krijojnë një spektakël të vertëtë. Fotot që po përcjellim i përkasin javës së parë të shtatorit dhe koncerteve që ata kanë realizuar në mbarë Prishtinën. Shumë të pëlqyer për publikun, aq sa ky i fundit i ka ndjekur ata deri në orët e para të mëngjesit, me shumë ritëm, duke kërcyer e kënduar bashkë me ta. Nga sa shihet edhe nga fotot, koncerteve i është bashkuar edhe një tjetër muzikant, deejay, mik i mirë me Flori Mumajesin, Andi DJ i cili ka përmbushur kështu ekipin e artistëve, sot për sot më të suksesshëm në tregun muzikor. Ndihen mirë bashkë, dhe puna në ekip u shkon vaj. Më i ngarkuari duket se është Flori, ku përveçse kujdeset për hitet më të reja që realizon për këngëtarë të ndryshëm, duhet të jetë i pranishëm edhe vetë, me një punë madhështore të cilën po e investon për veten në këto vite të fundit.